Esta semana, o alumnado de 5º de primaria saíu ao patio para poñer en práctica os seus coñecementos sobre as unidades de medida. A través dunha actividade en grupo, puxemos a proba a nosa precisión e a nosa capacidade de rexistrar e converter medidas.
Cada grupo recibiu unha lista de diferentes elementos do patio que debía medir en centímetros (cm) utilizando cintas métricas. Logo, de volta na aula, pasamos ao seguinte reto: convertelas a outras unidades, como metros (m) e milímetros (mm).
Esta actividade axudounos a entender mellor a relación entre as diferentes unidades de lonxitude de xeito práctico, a traballar en equipo e a ser máis precisos nas nosas medicións.
Aprender matemáticas ao aire libre é moito máis divertido!
Comentarios
Publicar un comentario