Este venres 14 de febreiro, con motivo do Día do Amor e da Amizade, vivimos unha experiencia moi especial na nosa aula de 5º de primaria. Dentro do programa de titoría entre iguais, recibimos a visita dos nosos compañeiros de 3º para compartir unha actividade do máis artística.
Titores e titorizados traballaron en parella realizando retratos caricaturizados de como se vían mutuamente. Ao rematar, cada parella intercambiou os retratos, levando un recordo especial deste encontro.
Esta actividade foi unha maneira marabillosa de celebrar a amizade e o amor polos demáis.
Estamos desexando participar na próxima actividade do programa de titoría entre iguais!
Comentarios
Publicar un comentario